Knattspyrna: Hópar veturinn 2010-2011

Hópur 1:  6. og 7. flokkur kvenna (1.- 4.bekkur stelpur).

Hópur 2:  6. og 7. flokkur karla (1.- 4.bekkur strákar).

Hópur 3:  5. flokkur karla og kvenna (5.- 6.bekkur strákar og stelpur) 

                 4. flokkur kvenna (7.- 8. bekkur stelpur) 

                 4. flokkur karla yngra ár (7. bekkur strákar).

Hópur 4:  4. flokkur karla eldra ár, (8. bekkur strákar)

                  3. flokkur karla og kvenna (9. og 10. bekkur) og

                  2. flokkur karla og kvenna (1, 2 og 3 ár í FSN.).

Knattspyrna Skrifað á haustdögum 2007

Knattspyrna innan Ungmennafélagsins Snæfells er er starfrækt á tveimur sviðum.  Meistaraflokkur karla er undir merkjum Snæfells en yngri flokka starfið er í samstarfi við ungmennafélögin á Snæfellsnesi, undir merkjum Snæfellsness.

Samstarf:

Yngri flokkar Snæfells eru í samstarfi með yngri flokkum Ungmennafélags Grundarfjarðar og Víkingi/Reyni í Snæfellsbæ. 

Félögin senda sameiginleg lið til keppni m.a. á Íslandsmótum og öðrum mótum. Hugsunin er sú að með sameiginlegu liði fái iðkendur betri möguleika bæði til þátttöku í mótum og til að ná árangri.   

Verkefnið hófst síðastliðið vor með samstarfi Snæfells og Víkings/Reynis en liðið lék undir nafninu Snæfellsnes og tók þátt  í Íslandsmóti, Borgarnesmóti, Króksmóti og Blönduósmóti.  Óhætt að segja að samstarfið  hafi gengið vonum framar og árangur og framfarir verið mun betri en menn þorðu að vona. 

Í haust gekk svo Ungmennafélag Grundafjarðar inni í samstarfið.

Samstarfið er enn í þróun en hugsunin er sú að hvert félag æfi að jafnaði sinni heimabyggð en leikmenn hittist á sameiginlegum æfingum öðru hvoru og svo í leikjum.

Markmiðið er m.a. að allir sem æfa fái að taka þátt í mótum við hæfi og verða því send a. b og jafnvel c lið til keppni.

Ejub þjálfari 1. deildarliðs Víkings  í Ólafsvík er yfirþjálfari og mætir á æfingar hjá öllum félögunum öðru hvoru.  Einstakir þjálfarar bera svo ábyrgð og stjórna ákveðnum flokkum í keppni. T.d mun Rabbi stjórna 5. og 4. flokki karla en þjálfarar frá hinum félögunum munu stjórna öðrum flokkum í keppni.

Gert er ráð fyrir að næsta sumar taki liðin þátt í Íslandsmóti og Landsmóti U.M.F.Í. á Höfn Í Hornafirði. Hugsanlega verður tekið þátt í fleiri mótum. Einnig er hugsanlegt að tekið verði þátt í einhverjum æfingamótum í vetur t.d. á Akranesi.

Eins og verið hefur er gert ráð fyrir því að foreldrar sjá sjálfir um að koma börnum sínum í leiki og á sameiginlegar æfingar sem haldnar eru annarstaðar en í Stykkishólmi. Foreldrafélagið mun á næstunni skipa tengiliði úr röðum foreldra í hverjum flokki sem munu m.a aðstoða við að raða í bíla og vera stjórninni og þjálfaranum innan handar að öðru leiti. Venja er að fái barn far með öðrum borgi það kr. 2.000 í bensínkostnað þ.e. ef farið er út fyrir héraðið.

Milli jóla og nýárs tók Snæfellsnes þátt í jólamóti Sparisjóðs Kópavogs  og var árangur þokkalegur en þetta var í fyrsta skipti sem liðiin komu saman síðan í haust. Þá er Íslandsmót innanhús haldið nú í janúar en þar geta því miður ekki allir verið með þar sem aðeins er hægt að senda eitt lið til keppni í hverjum flokki.

                                                                                                                   PK

Foreldrafélagið steikir kleinur i fjáröflunarskyni af miklum móð.