Snæfell tapaði gegn Tindastóli á Sauðárkrók  99-91. Snæfell byrjaði leikinn vel stemmdir og voru komnir í 13-27 eftir fyrsta hluta. Lítið gekk svo upp þegar Snæfell missti niður stemminguna og Tindastóll komst á bragðið og allur meðbyr var með heimastrákunum á Króknum og leikurinn jafn 42-42 í hálfleik.

Eftir þriðja hluta voru Stólarnir komnir í 70-61 og voru í miklum ham og átti Snæfell erfitt með að komast inn í leikinn en náðu þó að jafna 77-77 þar sem Sean datt í gírinn en Cedric Isom var einnig í gírnum og var gríðalega öflugur. Snæfellingar týndust einn af öðrum af velli og var Nonni farinn í lok þriðja hluta og fékk Snæfell tæknivillu á bekkinn í kjölfarið og áður en leiknum lauk voru Svenni og Siggi farnir af velli einnig og voru einhver villuvandræði á Snæfellingum í leiknum.

Tindastóll vann svo kannski bara sanngjarnan sigur 99-91 eftir allt saman.

Stigaskor Snæfell: Sean 33, Sigurður 18, Martins 17, Jón Ólafur 13, Emil 6 og Sveinn 3.

Tindastóll:  Isom 48, Rikki 15, Donatas 15, Helgi Rafn 7, Helgi Freyr 5, Axel 4, Einar Bjarni 2, Svavar 2 og Sigmar 1.

Nánari og betri skil gerð á leiknum hjá Karfan.is

Þar er umfjöllun og myndir frá Króksmönnum.

-sbh-