Nokkuð dró af nokkrum okkar leikmönnum þegar leið undir lok síðasta tímbils vegna meiðsla. Allir eru þó að finna bót sinna meina og gengur vel, allt tekur þetta tíma og betra að fara ekki of snemma af stað og flestir verða fullklárir í undirbúning fyrir næsta tímabil.

• Alda Leif fór í aðgerð á krossböndum og gekk aðgerðin vel
• Berglind Gunnars fór í aðgerð á öxl og gekk aðgerðin vel
• Hafþór Ingi Gunnars fór í aðgerð á hné og var speglaður þar sem hann var allur lagaður til og allt gekk vel.
• Siggi Þorvalds og Stefán Karel eru báðir á leiðinni í aðgerð á hné.

Ingi Þór var sá eini frá Snæfelli á Norðurlandamótinu í Svíþjóð þetta árið. Ingi Þór er þjálfari u18 landsliðs karla sem var eitt af þremur íslenskum landsliðum til að krækja í silfurverðlaun. Frábær árangur og inni á kki.is má finna greinar um árangur liðanna.

sbh

Um liðna helgi var lokahóf KKÍ haldið en þar áttum við Snæfellsfólk fulltrúa. Í fimm manna úrvalslið karla var Jón Ólafur meðal manna og í úrvalslið kvenna voru Hildur Sigurðardóttir og Hildur Björg. Glæsilegir fulltúar okkar liðs.

Inni á Eurobasket má svo sjá eftir tímabilið að í svokölluðu "first team" eru Ryan Amoroso og Jay Threatt. Jay er þar útnefndur bakvörður tímabilsins og Ryan var valinn Bosman leiksmaður tímabilsins.

Snæfellsliðin karla og kvenna voru búin að halda sína veislu sem var létt og skemmtileg með grillstuði og stemningu þann 30.apríl sl.

Þar voru útnefnd eftir tímabilið:

Mfl. kvk   Besti leikmaður: Hildur Sigurðardóttir  Besti varnarmaður: Alda Leif Jónsdóttir Mestu framfarir: Hildur Björg Kjartansdóttir Mfl. KK   Besti leikmaður: Jón Ólafur Jónsson   Besti varnarmaður: Pálmi Freyr Sigurgeirsson    Mestu framfarir: Stefán Karel Torfason -sbh-

Áfram Snæfell, Áfram Snæfell, Áfram Snæfell og svo bara allt búið!

Já svona renna þessi tímabil í körfuboltanum áfram og alltaf er þetta jafn gaman og einmitt þess vegna líður tíminn svona hratt!

Ég vil í upphafi þakka öllum stuðnings- og styrktaraðilum fyrir gott samstarf og vona að það verði allir með okkur áfram.........

Alda Leif Jónsdóttir leikmaður Snæfells er með slitið krossband á vinstra hné en þetta kom í ljós eftir segulómskoðun.  Alda Leif heldur undir hnífinn í byrjun maí og ætlar sér að koma inní næsta tímabil ef allt gengur að óskum.

Alda Leif skyldi eftir sig stórt skarð í Snæfellsliðinu en hún var með 10 stig, 6 fráköst og 4 stoðsendingar í leik í vetur.

Alda Leif hafði áður fyrr á ferli sínum slitið krossband á hægra hné og var hún með rof í örvef að plaga hana í allan vetur.  Alda Leif sleit svo krossbandið á æfingu þegar hún var að gera sig tilbúna fyrir undanúrslitin á íslandsmótinu í Dominosdeildinni.

Undanúrslitaviðureign KR og Snæfells er lokið með 3-1 sigri KR í rimmunni. Liðin mættust í sínum fjórða leik í DHL Höllinni í dag þar sem KR hafði 68-67 spennuþrunginn sigur á Hólmurum. Leikurinn var mögnuð skemmtun þar sem liðin skiptust á forystunni en þegar upp var staðið náði KR að slíta sig lítið eitt frá á lokasprettinum og það dugði til að tryggja sigurinn. Shannon McCallum átti enn einn skrímslaleikinn með 40 stig, 13 fráköst, 5 stoðsendingar og 7 stolna bolta!
 
Rauðar úr Hólminum byrjuðu betur og komust í 0-4 en KR-ingar gerðu næstu fimm stig og þannig var fyrsti leikhluti, liðin skiptust á forystunni þar sem þær Hildur Sigurðar og Berglind Gunnars voru beittar í Snæfellsliðinu.......